Prezident ofisiniñ yolbaşçısınıñ muavini İrına Vereşçuknıñ reberliginde gumanitar qarşılıq meseleleri oturışı olıp keçti. Kün tertibinde — cebe yanındaki vilâyetlerniñ küz-qış mevsimine azırlanması.

Oturışta Cemiyetler ve topraqlarnıñ inkişafı nazirligi, ReNazirligi, Energetika, İçtimaiy siyaset, Maliye ve başqa nazirliklerniñ vekilleri ve bir sıra vilâyet arbiy memuriyetleri iştirak ettiler.

İştirakçiler, cebege yaqın topraqlarda ealiniñ zayıf kategoriyalarına gaznı ballonlar vastasınen bermek içün deñev leyhasınıñ amelge keçirilüvini muzakere ettiler. Bu Harkiv, Sumı, Donetsk ve Herson vilâyetleri ola. Bu bağlamda Zaporijjâ vilâyetiniñ leyhağa qoşulması meselesi baqıldı.

Dnipro, Kremençuk ve Harkiv şeer topraq cemiyetleriniñ devletten kommunal mülkiyetke keçirilgen qazanlarnıñ ketirilmesi ve qurulması meselelerine diqqat ayırıldı.

Bundan da ğayrı, oturışnıñ iştirakçileri Donetsk vilâyetiniñ cebe civarındaki cemiyetlerinde UNICEFniñ bergeni ayrı modul qazanlarınıñ yerleştirilmesine razı oldılar.