Onı Alberta universitetinde başlattılar. Programma Kanadanıñ Ukraina tasil institutı çerçivesinde Milliy tedqiqatlar fakultetinde amelge keçirile. Ukraina Prezidentiniñ Qırım Muhtar Cumhuriyetindeki Temsilciligi Facebookta bu aqqında haber etti.

Stipendiya alimlerge qırımtatar tarihı, medeniyeti ve içtimaiy esnasları boyunca doktorlıq tetqiqatlarını devam etmege imkân berecek.

Programmanıñ birinci stipendiyantı qırımtatar Nara Narimanova oldı. 2014 senesi işğal etilgen Qırımdan Kıyivge köçti. Keçenlerde ise Alberta universitetine qırımtatar tetqiqatları boyunca doktorlıq derecesini almaq içün kirdi.

Böyle stipendiya programmalarınıñ kirsetilmesi dünya toplulığında Qırım, onıñ tarihı ve anda tamır halqlarınıñ rolü aqqında obyektiv tasavurnıñ şekillenmesiniñ müim şartıdır