Orta küz ayınıñ 8-nde ve 9-nda paytahtta Dünya sağlıq teşkilâtınıñ desteginen, saqat insanlarğa qol tutuv meselelerini muzakere etecek forum keçirilecek.

Tedbirde Ukraina saqatları milliy assambleyası, Prezident ofisi, Şarqiy ve Merkeziy Avropa meselelerinde Avropa saqatlıq forumı, Birleşken Milletler Teşkilâtınıñ klasterleri ve agentlikleri, devlet akimiyeti ve yerli idare organları, cemaat teşkilâtlarınıñ vekilleri ve saqatlar iştirak eteler. Hususan, saqat ve saqatlıqqa oğrağan veteranlar, saqat balalarnıñ ana-babaları ve olarnı temsil etken teşkilâtlarnıñ reberleri iştirak eteler.

Mezkür muzakerelerniñ diqqat merkezinde saqat ve esli-başlı insanlarnıñ aqlarını qorçalav, olarnıñ ğayrıdan tiklenüvi ve reabilitatsiyası tura.

Forumnıñ programması, sıñırsızlıq, işke aluv ve saqat insanlarnıñ işke aluv meselelerinde gumanitar cevapnı muzakere etmege de imkân bere.

Forumnıñ açılışında tedbir iştirakçilerini Ukraina Prezidentiniñ Ofisiniñ reisiniñ muavini İrına Vereşçuk hayırladı.

“Gumanitar cevap bütünley olmalı. Hususan cenk vaqtında. Saqatlılar cemiyet teşkilâtlarına çoq teşekkür bildirem. Olar akimiyetke özgün ihtiyacları olğan insanlarımıznıñ sesini eşitmege yardım ete”, — dep qayd etti İrına Vereşçuk.