Öz işini başlatmaq ya da inkişaf ettirmek içün endi 21 biñ ukran vatandaşı grant parasını aldı, dep Ükümet portalı bu aqqında haber berdi.

 

Umumen 2022 senesi oraq ayında yeİş ükümet leyhasınıñ başlanğıcından aşağıdaki grantlar berildi:

 

• 4,5 milliard grivnağa 19 biñ mikrogrant “Öz işi” programması çerçivesinde”;
• 3,9 milliard grivnağa 779 grant – işletici müessiselerniñ inkişafına;
• 1,1 milliard grivnağa 240 grant – bağçacılıq ve tavhane hocalığınıñ inkişafına;
• 481 million grivnağa 1036 grant – veteranlar ve ailelerine.

 

Hatırlatamız ki, iş adamı ve teciresiz insan olaraq grant almaq içün ariza bermek mümkün. Diia portalında biznes planınen beraber ariza toldurıp bermek mümkün.

 

Grant almaq içün yañı iş yerlerini yaratmaq şarttır. Mikrogrant almaq içün 1-2, başqa programmalarğa köre grant almaq içün ondan çoq iş yerini yaratmaq kerek.

 

3 sene devamında iş adamlarınıñ ödeycekleri bergiler şeklinde grant parası devletke qaytarılacaqtır.