Olar qorantalarınen beraber prezident Volodımır Zelenskıy tarafından teşebbüs etilgen “Bring Kids Back UA” planı çerçivesinde tahliye etildi. Prezident ofisiniñ yolbaşçısı Andriy Yermak Telegram kanalında bunı bildirdi.

Herson, Zaporijjâ ve Luhansk vilâyetleriniñ vaqtınca işğal etilgen topraqlarından dört qoranta tahliye etildi. Qurtarılğan balalar 3 yaşından 17 yaşına qadar edi.

Şimdi olar qorantalarınen beraber Ukraina ükümetiniñ nezareti altında bulunğan topraqta bulunalar ve kerekli yardım alalar.