800 biñ grivna miqdarında maliyeviy yardımnı Sumsı, Poltava, Hmelnıtskıy ve Ternopil şeer topraq cemiyetleriniñ topraqlarında faaliyetini alıp barğan kiçik ve orta müessiseler (KOM) ala bileler. Bu Diia.Biznes saytında yazılğan.

 

Grant yarışında iştirak etmek içün KOMler aşağıdaki talaplarğa uymaq kerekler:

 

• iş faaliyetiniñ subyektleri olmaq ve eñ az bir yıl devamında resmiy olaraq qayd olunmalı;

 

• 5 kişiden çoq çalışmalı;

 

• cenkniñ qurbanları olmalı;

 

• yañı iş yerlerini açmağa ya da mevcut olğanlarını saqlamağa planlaştırmalı;

 

• iş ğayeni inkişaf ettirmek içün öz parasını eñ az 20% celp etmege azır olmalılar ya da soñki bir yıl içinde yapılğan inkişaf masraflarını tasdıqlamalı.

 

Teklif etilgen biznes ğayelerinde aşağıdaki kriteriyler köz ögüne alınmalı:

 

• Yañıdan quruv ve/ya da kenişletüv ğayesiniñ kerçekligi;

 

• yerli cemiyetlerge tesiri;

 

• ekologik olğan;

 

• şirket tarafından teklif etilgen mahsulat/hizmetlerge yerli bazarda talap;

 

• iş yerlerini saqlap qalmaq ve/ya da yañılarını yaratmaq qabiliyeti (bu cümleden, işsizler, qadınlar, saqatlar, veteranlar ve başqa zayıf kategoriyalar içün);

 

• şirketniñ qurucıları ya da idare erkânında qadınlarnıñ bulunması.

 

Arizalarnıñ soñki müddeti 2024 senesi orta küz ayınıñ 15-idir.

 

Grant yarışında iştirak etmek içün bağlantı vastasınen qayd etilmek kerek. Qayd etüvniñ başında dc qullanıcı adı ve dc şifresini yazıñız, JERU grantınıñ türini saylañız.

 

Leyha Almaniyanıñ İqtisadiy işbirlik ve inkişaf federal nazirligi tarafından maliye etile ve JERU (Welthungerhilfe ve Concern Worldwide halqara teşkilâtlarınıñ Ukrainada fevqulâde vaziyetlerge ortaq cevabı) tarafından amelge keçirile.