Bu, 1200 saqat mütehassıs içün iş yerleriniñ açılmasıdır. Ükümet portalında bu aqqında haber etildi.

Saqatlı işçiler içün iş yerleriniñ donatılması içün tazminatnı Ukrainanıñ bütün bölgelerinden iş adamları aldılar. Böyle iş bergenlerniñ çoqusı Kıyiv, Çerkası, İvano-Frankivsk, Odesa ve Volın vilâyetlerinde buluna.

İş yerleri yaratılğan mütehassıslar arasında muasebeciler, ocalar, emek qoruv müendisleri, iş adamları, idareciler, ticaret idarecileri, aydavcılar, çilengirler bar.

Hatırlatamız ki, ükümet programmasına binaen, işke alıcılar I. gruppa saqatları içün iş yerleriniñ donatıluv masrafları içün 106,5 biñ grivna miqdarında tazminat ala bileler. Ekinci derece saqatları içün ise – 71 biñ grivnağa qadar tazminat ala bileler.

Paralarnı elde etmek içün iş bericiler saqat mütehassısnı işke alğanğan soñ 90 kün içinde ariza yazmalı. Arizanı online olaraq Diia portalında ya da şahsen bölge iş merkezine muracaat etip bermek mümkün.