O, “Karitas Çeh Cumhuriyeti” ve “Belâğa oğraşqan adam” (Slovak Cumhuriyeti) hayriye fondunıñ yardımınen Neresnıtsâ köyünde peyda oldı.

Öz telegram kanalında Zakarpattâ VAMniñ yolbaşçısınıñ vazifelerini vaqtınca eda etken Mıroslav Biletskiy bunı bildirdi.

Köy 10 evden ibaret. Er birinde bütün kerekli mebel, tehnika, aşhane aletleri ve raat yaşamaq içün şeyler bar.

Zakarpattâ VAM, vilâyet ve yerli bücetlerniñ maliyeviy desteginen obyektte kommunikatsiyalar donatıldı ve topraq abadanlaştırıldı.

Modul şeerçikte köçip kelgenlerniñ qorantaları yaşaylar. Olarnı Harkiv, Herson, Donetsk ve Zaporijjâ vilâyetlerinden tahliye ettiler.