Ukraina Prezidentiniñ Ofisi reisiniñ muavini İrına Vereşçuknıñ reberliginde cebege yaqın topraqlarda ealiniñ zayıf qatlamlarına halqara gumanitar destek boyunca nevbetteki oturış olıp keçti.

Tedbirde ReNazirligi, BMTnıñ Ukrainadaki mesken ve aşayt olmağan mallar meseleleri klasteri, HQHE, BMTnıñ QMDİ, HMT, UQHT, UNICEF, CARITAS, OCHA, em de vilâyet arbiy memuriyetleri iştirak ettiler.

İştirakçiler 2024/25 yılları qızdıruv mevsiminde ealige qattı yaqarlıq malzemesini satın alması içün bir kerelik para yardımınıñ berilmesi aqqında ükümet qararınıñ amelge keçirilüvini baqıp çıqtılar. Bu, Çernihiv, Sumı, Harkiv, Luhansk, Donetsk, Zaporijjâ, Dnipropetrovsk, Herson ve Mıkolayiv vilâyetleriniñ sakinleri ola.

Orta küz ayınıñ soñuna qadar BMTniñ qaçaqlar meseleleri hızmeti tarafından para berilmesi planlaştırıla. Olarnı identifikatsiya etilgen 20 biñden çoq evden almaq kerekler.

Bundan da ğayrı, iştirakçiler Halqara Qızıl Haç Eyyeti ve BMTnıñ mesken ve aşayt olmağan mallar klasteri tarafından ealini kerekli yaqarlıqnen temin etüv vaziyetini muzakere ettiler.