Harkiv vilâyetinde Kupyansk rayonınıñ 33 yaşındaki sakini işğaliclernen işdeşlik yapqanı içün maküm etilecek.

 

Taqiqatnıñ bilgilerine köre, 2022 senesi vaqtınca işğal etilgen topraqlarda o, rus teşviqiy telekanallarında yayın teşkil etmege yardım etken edi.

 

Harkiv vilâyet prokurorlığınıñ matbuat hızmeti bu aqqında haber berdi.

 

İşğal devrinde Kremlniñ teşviqatını tarqatmaq maqsdınen qabaatlanğan adam, yerli tele yayın ağını yañıdan qurmağa yardım etti.

 

Bundan ğayrı, hadimlerni saylağan ve rus rublelerinen aylıq ödemege temin etken edi.

 

Topraq işğalden azat etilgen soñ adam Harkivge köçti. Buña baqmadan, uquq qorçalayıcılar, kerekli delil bazasını toplap, cinayet yapqanını belgilediler.

 

Şu anda o, apishanede qapatılıp otura ve duşmannen işdeşlik yapqanı içün (Ukraina Cinayet qanunnamesiniñ 111-1. maddesi) makeme oturışını bekley.

 

Onıñ mülkü alına bilir, 15 senelik müddetke bazı vazifelerni yapmağa ve 12 senege qadar maküm etile bilir.