2024 senesi devamında ukrainler yeEv ucuz ipoteka krediti programması çerçivesinde 12 milliard grivnadan çoq 7113 kredit aldı. Ükümet portalında bu aqqında haber etildi.

Bu kreditlerniñ 70%-dan çoqusı — 5012 obyekt — ekinci bazarda ev almaq içün berildi. Qurucılardan 1606 daire (22,6%-i) satın alındı, şu cümleden 495 (7%-i) – qurucılıqta.

Umumen, programma çerçivesinde 13 438 qoranta 21,6 milliard grivnağa ev krediti aldı.

Qoşma malümat. yeEv programması 2022 senesi orta küz ayından başlap yerine ketirile ve “Ukrainada yapılğan” siyasetiniñ bir qısmı ola. Birinci basamaqta o, arbiy hızmetçiler, uquq qorçalayıcılar, ekimler ve alimler içün 3%-lı fiyatlı ipoteka teklif etti. Daa soñra programmanıñ şartları kenişletildi ve mesken şaraitini eyileştirmege istegen bütün ukrainalılarğa 7%-li kredit almaq imkânı berildi.