“2024-2025 qışqa azırlıq” leyhası çerçivesinde Donetsk, Harkiv, Zaporijjâ ve Dnipropetrovsk vilâyetleriniñ bir sıra cemiyetlerinde yaşağan köçip kelgenlerniñ zayıf kategoriyaları, qızdıruv energiyasınen teminat ödemelerini tazmin etmek içün para yardımını ala bileler.

 

“Tebessüm UA” hayriye fondunıñ Facebook saifesinde bu aqqında haber berildi.

 

Mezkür yardımnı elde etmek içün Donetsk vilâyetiniñ Zaporijjâ, Harkiv, Bilosersk ve Dobropilsk cemaatlarında, em de Dnipropetrovsk vilâyetiniñ Apostolov ve Zelenodolsk cemaatlarında yaşağan DAKler qayd etile bileler.

 

Bundan da ğayrı, olar aşağıdaki sıñırlav kategoriyalarından birine ait olmalılar:

 

• Ailede esas baqıcı olğan tek başına ev bikçeleri ve/ya da qadınlar

 

• Saqat olğan insanlar.

 

• Yaşlı insanlar (60+).

 

• Üç ya da daa çoq balası olğan qorantalar (18 yaşına qadar, ya da oquycaq olsalar, 23 yaşına qadar).

 

• Hronik hastalıqları ve ağır hastalıqları olğan insanlar (psihiatrik hastalıqlarnen beraber).

 

• 2022 senesi kiçik aydan berli işsiz qalğan insan olğan ev haneleri.

 

• Topraq içtimaiy hızmet merkezinde qayd etilgen ev haneleri.

 

Para yardımını almaq maqsadınen qayd etilmek içün formnı toldurmaq kerek. Qayd etüv orta küz ayınıñ 18-ne qadar devam etecek.

 

Leyha Ukraina içün gumanitar fondunıñ (UGF) maliyeviy desteginen “Tebessüm UA” hayriye fondu tarafından amelge keçirile.

 

Para yardımınıñ şartları aqqında tafsilâtlıca mında oquy bilesiñiz.