Ukraina içtimaiy yatırımlar fondunıñ (UİYF) halqara tehnikiy yardım leyhalarınıñ amelge keçirilüvi boyunca nevbetteki idarelerarası oturış olıp keçti. Tedbir Ukraina Prezidentiniñ Ofisi reisiniñ muavini İrına Vereşçuknıñ yolbaşçılığı altında keçti.

 

Oturışta ReNazirligi, UİYF, Ukrainadaki Almaniya İnkişaf Bankı (KfW), Tasil nazirligi, Sağlıq nazirligi, yerli akimiyet ve başqa meraqlanğan taraflarnıñ vekilleri iştirak ettiler.

 

İştirakçiler, UİYFnıñ icracı müdiriniñ bir sıra leyhalarınıñ, şu cümleden UİYF VII, UİYF VIII, UİYF IX, “EU4Skills: Ukrainada zenaat ve tehnikiy tasil sistemasınıñ astyapısınıñ yañartıluvı” ve “Şarqiy ortaqlıqta zenaat ve tehnikiy tasil” leyhalarınıñ yekünlenüv vaziyetine dair maruzasını diñlediler.

 

Bu leyhalar Kıyiv, Poltava, Hmelnıtskıy, Rivne, Çernivtsi, Vinnıtsâ, Lviv, Harkiv ve Dnipropetrovsk vilâyetlerini qaplay.

 

Hususan, DAKler içün evlerniñ rekonstruktsiyası, ambulatoriyalarnıñ tamiri, ihtisasiy tasil müessiselerinde ve başqa içtimaiy saa obyektlerinde tamir işleri muzakere etildi.

 

Böyleliknen, qayd etildi ki, EU4Skills leyhası çerçivesinde Lviv vilâyetiniñ 19. Droğobıçi aliy zenaat oquv yurtunıñ donatıluvı yekünlendi. Bu ay devamında 7. Kremençuk aliy zenaat oquv yurtunda ustalar odalarınıñ açılışı planlaştırıla.

 

Bundan da ğayrı, UİYF VII ve UİYF VIII leyhaları çerçivesinde bu ay Pavloğrad rayonınıñ Verbuvativka köyünde, Sınelnıkı rayonınıñ Vasılkivka köyünde ve Dnipropetrovsk vilâyetiniñ Mağdalinivka köyünde ambulatoriyalar açılacaq.

 

Bundan başqa, UİYF IX leyhasına Lviv, Hmelnıtskıy, Harkiv, Vinnytsâ ve Çernivtsi vilâyetlerinde bir sıra yañı obyektlerniñ qoşuluvı aqqında aytıldı. Al-azırda Almaniya ükümetinen bu obyektlerniñ tamir işleri ve DAKlerniñ vaqtınca yaşamaları içün azırlanması boyunca muzakereler alıp barıla.