Forum orta küz ayınıñ 17-18. künleri Poltava şeerinde keçecek. DAK Şuraları, devlet içinde köçip kelgen şahıslarnıñ aqları ve menfaatlarını qorçalağan mesleat organlarıdır.

Tedbirde Ukrainanıñ 6 vilâyetiniñ temsilcileri iştirak eteler: Zaporijjâ, Harkiv, Dnipropetrovsk, Poltava, Luhansk ve Donetsk vilâyetleri.

Forumnıñ iştirakçileri ögünde Ukraina Prezidenti Ofisi reisiniñ muavini İrına Vereşçuk çıqışta bulundı. Em de — Poltava VAMniñ yolbaşçısı Filip Pronin, Poltava şeeriniñ yolbaşçısı vazifelerini eda etken Katerına Yamşçıkova, “Stabilization Support Services” hayriye fondu” hayriye teşkilâtınıñ icra müdiri Valeriya Verşınina ve Birleşken Milletler Teşkilâtınıñ qaçaqlar meseleleri idaresiniñ (BMTnıñ QMDİ) temsilcisi Federiko Sersale çıqışta bulundılar.

Tedbirniñ programması aşağıdaki mevzular boyunca munaqaşalarnıñ keçirilmesini közde tuta:

• milliy ve yerli seviyelerde devlet içinde köçken şahıslarğa destek;
• DAK içün mesken, hususan, vaqtınca mesken fondlarınıñ meydanğa ketirilmesi;
• DAKniñ işke kirsetüvi;
• DAkniñ içtimaiy qoruvı.

Qayd etmek kerek ki, “Stabilization Support Services” HF tarafından, BMTnıñ QMDİniñ yardımınen ve ReNazirliginiñ ortaqlığınen Şarqiy Ukraina DAK Şuraları forumı keçirile.