BMniñ insan aqları monitoring missiyası 2024 senesi Rusiye tarafından Ukrainağa yapılğan ateş neticesinde elâk olğan ve yaralanğanlarnıñ eñ büyük sayısını qayd etti.

 

Berim ayında rusiyeliler eñ azından 208 vatandaşnı öldürdiler, daa 1220 yaralandı. Bu BMniñ er aylıq esabatında aytıla.

 

Qurbanlarnıñ çoqusı şu sebeplerden oldı:

 

– bütün memleketke raketa ücümleri;

 

– ava bombasınen ücümler (hususan Harkiv ve Zaporijjâ şeerlerine);

 

– Ukrainanıñ kontrol etkeni Herson vilâyetine, cebege yaqın topraqlarğa uçucısız aletlerniñ ücümleri.

 

Teşkilâtnıñ bildirgenine köre, elâk olğan ukrainalılarnıñ 46%-i 60 yaştan büyük edi. Bundan ğayrı, berim ayında 9 bala elâk oldı ve 76 yaralandı.

 

2024 senesi oraq ayından itibaren qurbanlarnıñ sayısı artıp tura. Eñ azından 219 vatandaş elâk oldı, daa 1018 yaralandı.