Dnipropetrovsk vilâyetindeki Kamyanske şeerinde Pokrovsktan tahliye etilgen köçip kelgenler içün tibbiy merkez açıldı. Pokrovsk şeer arbiy idaresiniñ saytında bu aqqında aytıldı.

Merkez, köçip kelgenlerge keyfiyetli birinci tibbiy yardımnı kösterecek.

Ziyaretçilerni eki aile ekimi qabul etecek. Olar bir sıra hızmetler kösterecekler, meselâ, mesleatlar berecekler, retseptlerni yazacaqar, mütehassıslarğa yollanacaqlar ve ilâhre. Bundan da ğayrı, anda manipulatsiya odası çalışacaq.

Yaqın planlarda — tiş odasınıñ açılışı ve Memuriy hızmetler merkeziniñ idaresiniñ celp etilüvi.

Ambulatoriya şu adreste yerleşe: Kamyanske, Tarasa Şevçenko soqağı, 14. Çalışma saatleri: Bazarertesi – Cuma, saat 09:00 – 17:00.

Körüşüvge (050) 482-89-91 nomerasınen yazılmaq mümkün.