Kongressniñ Prezidiumınıñ keñleştirilgen oturışı Ukraina Prezidenti Volodımır Zelenskıyniñ reisliginde olıp keçti. Tedbir keçken künü, orta küz ayınıñ 24-nde, olıp keçti. Bu sefer Devlet başı Kongressniñ azaları ve cemaatlarğa taqdim etken Ğalebe planı muzakere etildi. Prezident ofisiniñ saytında bu aqqında haber berildi.

Tedbirde Prezident ofisiniñ yolbaşçısı Andriy Yermak, Yuqarı Şuranıñ reisi Ruslan Stefançuk, baş nazir Denıs Şmığal, Prezident ofisiniñ yolbaşçılığı ve Ükümet azaları iştirak ettiler.

Bundan ğayrı, oturışnıñ iştirakçileri arasında tahminen 400 yerli ve bölge akimiyetiniñ organlarınıñ vekii, G7 ve ABniñ memleketleriniñ Ukrainadaki elçisi bar edi.

Ukraina Prezidenti qayd etti ki, Nazirler Kabineti, Yuqarı Şura ve Prezident Ofisi Plannıñ maddelerini yerine ketirmek içün müim memleketlernen taqımlar seviyesinde çalışmaqta. Amma şimdilik bu işke cemiyetni de celp etmek kerek.

Prezident ofisiniñ yolbaşçısı qayd etti ki, Plannı daa faal sürette, hususan yerli seviyede, ileriletmek kerek. Onı bölgelerimizniñ bütün munasebetlerinde qullanmaq kerek.

Yuqarı Şuranıñ reisi oturışnıñ iştirakçilerine, Ukraina 70 delegatsiya içün Qırım platformasınıñ üçünci parlament sammitinde Ğalebe planını taqdim etti, dep bildirdi.

Ukraina cemiyetleri halqara ortaqlarnen faal sürette çalışıp, olarğa Plannıñ esas noqtalarını bildire ve onıñ amelge keçirilmesiniñ müimligini qayd ete bileler. Avropa ve dünya toplulıqlarınıñ temsilcileri öz parlamentleri ve ükümetlerini bu vesiqanı milliy seviyede desteklemege çağıra bileler.

Oturışnıñ iştirakçileriniñ fikirince, bu kibi işbirlik Ukrainanıñ ğalebesi içün medeniy dünyanı birleştire bile ve Rusiyeni barışıqqa mecbur ete bile.