“Karitas” hayriye teşkilâtınıñ Dnipro, Zaporijjâ, Kramatorsk, Odesa, İvano-Frankivsk, Nadvirna, Drohobıç, Kolomıya, Strıy ve Sokalideki yeri merkezleri vastasınen maddiy yardım ya da maliyeviy destek teşebbüsi çerçivesinde yardım berilecek. “Karitas Ukraina”nıñ saytında bu aqqında bildirildi.

Programma çeşit yardım kösterüvini közde tuta:

• Dniproda qattı yaqarlıq ve kommunal hızmetlerniñ ödemesi içün para yardımı berilecek.

• Zaporijjâğa yaqarlıq, kommunal hızmetleri içün para ve vaqtınca mesken yerlerinde (VMY) tamir işleri yapılacaq. Vilâyetteki 10-dan çoq VMY qışta raat yaşamaq içün yardım alacaq.

• Kramatorsk ve Odesada yalıñız qattı yanacaqnen temin etilecek.

• İvano-Frankivsk, Nadvirna ve Drohobıçte yedi VMY qaviy yaqarlıq ve qızdıruv sistemasınen yardım etecek.

• Kolomıyada üç VMY, Strıyda ise eki VMY sakinlerini qattı yaqarlınen temin etecekler.

• Sokalide bir VMY sakinlerine qızdıruv sistemasınen yardım etecekler.

İşini coyğan ya da bir qoranta 6318 grivnadan çoq para qazanmağan yerli sakinler bu yardımnı ala bileler. Başqa zayıf kriteriyler de köz ögüne alınacaq.

Evlerni qışqa azırlanuv yardımı içün qayd etmege başladılar. O, Ukraina içün Gumanitar fondunıñ yardımı ile berilecek.

Teşebbüs çerçivesinde yardım almaq imkânları aqqında sualler olsañız, 0 800 336 734 nomerasına telefon etiñiz (Bazarertesi – Cuma künü saat 09:30-16:00 arasında çalışa).