UNICEF Ukraina mekteplerini qış mevsimine azırlamaq içün 203 million grivnadan çoq para ayıracaq.

Biz 700 orta tasil müessisesi aqqında aytamız, olardan 550-si cebege yaqın topraqlarda yerleşe. Er bir mektep 290,5er biñ grivna alacaq.

Tedbir Birinci hanım Olena Zelenskanıñ imayesi altında keçirile. Leyha UNICEF, ReNazirligi, Tasil ve alim nazirligi ve Ukraina Prezidentiniñ Ofisi işiniñ neticesi ola. Paralar Almaniya ükümeti tarafından Almaniya İnkişaf Bankı (KfW) vastasınen berildi.

Para mekteplerniñ issilatıluvına, issilik çıqarğan donatmalarnıñ qoyuluvına, pencereler ve qapılarnıñ deñiştirilüvine, müendislik ağlarınıñ tamir etilüvine, yaqarlıqnıñ satın alınuvına ve aşhanelerniñ yañartıluvına sarf etilecek.

Paralar üç kategoriyağa bölündi. Birincisi, eñ azdan 200 bala oquğan cebedeki ve sıñırdaki mekteplernen bağlı edi. Ekincisi, eñ azdan 50 köçip kelgen balanı alğan mektepler bar. Üçüncisi ise — cemiyette közden keçirilgen tek müessiseler.

“Bu leyhağa qoltutqan Almaniya ükümetine minnetdarım. Birinci hanımnıñ taqımı ve UNICEFke teşekkürler bildirem. Para boş aynıñ soñunda mektep esaplarına kirsetilmeli. Bu, cebege yaqın mektepler içün pek müim ve vaqtında berilgen destek”, — dep qayd etti Ukraina Prezidentiniñ Ofisiniñ reisiniñ muavini İrına Vereşçuk.