Bu qararnı Ukraina Nazirler Kabineti orta küz ayınıñ 29-nda qabul etti.

O, Rusiye Federatsiyasınıñ Ukrainağa qarşı silâlı tecavuzı sebebinden sürgün etilgen ya da mecburen köçürilgen balalarnıñ aqları ve menfaatlarını qoruv meselelerini çezmege doğrultılğan.

Bu qararnen cedvelniñ teşkil etilmesi, saqlanması ve oña irişimniñ tertibi tasdıqlandı, em de balalar aqqında malümatnı teşkerüv meseleleri idarelerara eyyetiniñ teşkil etilmesi közde tutula.

Onı Adliye Nazirligi teşkil etecek ve idare etecek.

Cedvel, bu kategoriyağa ait olğan balalar aqqında tek malümat bazasını teşkil etecek, olarnıñ aq-uquqları ve menfaatını qorçalamağa yardım etecek.