Avropa yatırım bankı (AYB) ve Avropa ğayrıdan quruv ve inkişaf bankı (AĞİB) Ukrainağa acele yardım sistemasınıñ inkişafı içün grant bermek niyetini bildirdiler. Ükümet portalında bu aqqında haber etildi.

Avropa Birliginiñ aza memleketlerinde çalışqan 112 bedava acele hızmetler telefon nomerasınen yekâne nevbet-dispetçer sistemasını teşkil etmek içün Ukrainağa 12 million yevro miqdarında grant berilecek. Leyhanıñ umumiy destegi bu grant ve 40 million yevro miqdarında qoşma ödeme qaplap alacaq.

Leyhanıñ maqsadı – acele yardım, polis, yanğın ve gaz acele hızmetlerini birleştirmektir.

Hususan, zemaneviy telefon merkezleri ve İT-astyapınıñ qurulması közde tutula. Bu hızmetlerniñ Avropa standartlarına uyğunlaştırılmasına yardım etecek.

Cenk başlağan soñ AĞİB Ukrainağa 5 milliard yevro yatırım yaptı. Bu paralarnıñ çoqusı energetika saasında qullanıldı.

2024 senesi orta küz ayına qadar umumiy para miqdarı 20 milliard yevrodan çoqtır.