Avstraliya Rusiye tarafından qanunsız olaraq sürgün etilgen ve köçürilgen ukrain balalarınıñ qaytarıluvı içün çalışqan memleketler cedveline qoşuldı.

Bunı Ombudsman Dmıtro Lubinets bildirdi.

Ukraina balalarınıñ qaytarıluvı boyunca koalitsiya – Ukraina ve Kanadanıñ ortaq teşebbüsidir. O, 2024 senesi kiçik aynıñ 2-nde işke tüşürildi.

Avstraliya oña qol tutqan 41-inci memleket oldı.

Bundan evel Koalitsiyağa Yaponiya qoşuldı, bu ise “Büyük yedi”niñ teşebbüsine tam destek köstergenini bildire.