2024 senesi orta küz ayınıñ 30-31 künleri Monrealde Ukrain Barışıq Formulasınıñ gumanitar ölçev konferentsiyası olıp keçti. Tedbir devamında “Bütün esir alınğan ve sürgün etilgenlerniñ azat etilüvi” olğan dörtünci maddeniñ ameliy ömürge keçirilüvi muzakere etildi.

Konferentsiyada Prezident Ofisiniñ vekilleri, Ükümet azaları, başqa ukrain memurları, em de 70-ten çoq devlet ve halqara teşkilâtınıñ iştirakçileri iştirak ettiler.

Tedbirniñ neticelerinden soñ iştirakçiler umumiy beyanatnı qabul ettiler. Onıñ esas hususiyeti – “Montreal mecburiyeti”niñ uyğunlaştırılmasıdır.

Vesiqa konferentsiyada iştirak etken memleketlerniñ printsipleri birligini aks ete, Ukrainanıñ ğalebesine qol tutqanını tasdıqlay ve Rusiyeniñ istilâcı areketlerine yardım etken er angi devletni takbih ete.

Konferentsiyada gumanitar meselelerniñ çezilmesi ve Jenevre şartnamelerine riayet etilmesi içün Ukrainanıñ ortaqları ve halqara teşkilâtlarnen işbirligini quvetleştirmege añlaştılar.

Bundan da ğayrı, Ukraina askerleri, vatandaşları ve balalarınıñ qaytarıluvı aqqında Rusiye Federatsiyasınen muzakereler keçirmek içün itibarlı memleket-aracılar belgilendi.

Ukraina balalarınıñ qaytarıluvı boyunca muzakerelerde Qatar, Vatikan ve Cenübiy Afrika iştirak eteler. Olarnıñ tranzitini Qatar ve Litvaniya temin etecek.

Esirlerni deñiştirüv muzakerelerinde arablarnıñ rolüni Birleşken Arap Emirlikleri devam etecek. Kelecekte bu devletler gruppası kenişletile bilir.

Bundan ğayrı, Ukrainanen Ukrainanıñ esir alınğan ve sürgün etilgen balaları aqqında malümatnı toplamaq ve tamir etmek içün işbirlik yapacaq memleketler gruppasını meydanğa ketirmege añlaştılar.

O, ukrainlerniñ Vatanğa avdet etüvinen bağlı nevbetteki ğayretler içün temel teşkil etecek malümat toplav, teşkerüv ve vesiqalaştıruvında müim yardımnı temin etecek.