Ukraina prezidentiniñ ofisiniñ yolbaşçısınıñ muavini İrına Vereşçuk yolbaşçılığınen keçirilgen DAK meseleleri idare ştabınıñ oturışında Lviv vilâyetiniñ DAK Şurası öz faaliyeti aqqında esabat berdi.

Şimdiki vaqıtta Lviv vilâyetiniñ DAK Şurasına 18 insan kire, olardan 9-ı – devlet içinde köçip kelgenler.

Şura 2023 senesi berim ayında teşkil etildi. Onıñ esas vazifeleri – DAKlerniñ teşviqatı, idaresi ve haberdar etilmesidir.

Taqdim tedbirinde Lviv vilâyetiniñ DAK Şurasınıñ faaliyeti aqqında söz yürsetildi, o, devlet içinde köçken şahıslarnıñ içtimaiyleştirüvi ve integratsiyasına esaslana. Şunıñ içün Şura iş berüv, devlet içinde köçip kelgenlerni evnen temin etüv ve ilâhre yönelişlerde faalca çalışa.

DAK Şurasında daa semereli faaliyet içün iş gruppaları meydanğa ketirildi, şu cümleden:

• çetel vatandaşlarnıñ adaptatsiya ve integratsiya meseleleri;

• devler içinde köçken şahıslarnıñ qorçalavı;

• mesken, aş ve aşayt olmağan mallar meseleleri;

• tış alâqalar ve malümat toplav meseleleri.

2024 senesi kiçik ayda Lviv VAMniñ yanındaki DAK Şurası ortaqlar haritasını şekillendirmege başladı. Hususan, “Merıdian” Malümat tedqiqatları ve maaliy hızmetler merkezi” teşkilâtı “Menim Luhansk vilâyetim” merkezine qol tutmaq içün muracaat etti.

Bu sebepten Lvivde kovorking merkezi açıldı, anda Luhansk vilâyetinden köçip kelgenler raat çalışa, tehnika qullana, raatlana ve körüşüvler keçire bileler.

Bundan da ğayrı, DAK Şurası Lviv vilâyetinde devlet içinde köçip kelgen şahıslarnıñ integratsiyasını desteklemek içün malümat, içtimaiy ve medeniy tedbirlerde faalca iştirak ete.