Bugün Nazirler Kabineti, UYŞnıñ 2013 senesi ilk qış ayınıñ 25-nde qabul etilgen 975. ve 2022 senesi kiçik aynıñ 28-nde qabul etilgen 168. qararlarına kirsetilgen deñişmelerge qol tuttı.

Olar, asker ya da uquq qorçalayıcılarnıñ ölümi ya da ğayıp oluvı sebebinden bir kerelik para yardımına saip olğan şahıslar, bu şahısnıñ ölümi aqqında makeme qararı işke tüşürilgen kününden başlap onı ala bileler, dep bildireler. I ve II-nci gruppa saqatları içün paralar nevbetten tış berile.

Bundan da ğayrı, qanunğa köre, bir kerelik para yardımı aqqınıñ üç yıllıq müddeti, ölüm şeadetnamesinde qayd etilgen tarihtan degil de, makeme qararınıñ qanuniy quvetini alğan tarihtan sayıla.

Qarar leyhası elâk olğan arbiy hızmetçilerniñ qoranta azaları, arbiy hızmetlerde bulunğan ya da arbiy hızmette hızmet etmek içün çağırılğan arbiy hızmetçilerniñ ve yedeklerniñ menfaatlarına tesir ete.

İşbu meseleler Ukraina prezidentiniñ ofisiniñ yolbaşçısınıñ muavini İrına Vereşçuknıñ reberliginde onlayn keçirilgen veteranlar siyaseti meseleleri oturışlarında defalarca köterildi.