Bugün Nazirler Kabineti, UNŞnıñ 2022 senesi saban ayınıñ 11-nde qabul etilgen 257. qararına deñişmeler kirsetilmesine qol tuttı.

Oña binaen, arbiy esirlerniñ munasebetinen bağlı meseleler idare ştabınıñ qurulışında Yuqarı idare organı – İdare ştabınıñ Şurası teşkil etildi.

Şurağa Mudafaa naziri, UHHnıñ yolbaşçısı, Mudafaa nazirliginiñ başı, İçki işler naziri, tış istihbarat hızmetiniñ yolbaşçısı ve Yuqarı Şuranıñ insan aqları vekâletlisi kirdiler.

Bundan da ğayrı, İdare ştabnıñ terkibinde muzakere esnasınıñ alıp barılması gruppası ve bölge temsilcilikleri (iş gruppaları) teşkil etildi. Em de İçtimaiy şura, namzetler yarış esasında saylanacaq.

Qabul etilgen deñişmeler deñişim cedvelleriniñ daa şeffaf şekillendirilmesine ve duşman esirliginde bulunğan Ukraina mudafaacılarını azat etüv saasında daa semereli çalışmağa yardım etecek.