Barsk cemiyetinde köçip kelgen balalar içün yañı bala meydançığı çalışıp başladı. O, inklüziv resurs merkezinde çalışacaq.

“Proliska — Vinnıtsâ” gumanitar missiyası Facebook saifesinde bu aqqında haber etti.

Merkez, BMniñ Ukrainada qaçaqlar meseleleri agentliginiñ ve “Proliska” gumanitar missiyasınıñ desteginen Child Friendly Spaces programması çerçivesinde meydanğa ketirildi.

Cenkten zarar körgen balalarğa yañı şaraitke alışmağa ve özlerini telükesiz duymasına yardım etmek içün meydançıq yaratıldı. Anda balalar qoltutuv gruppalarında iştirak ete, yaşdeşlerinen qonuşa ve içtimaiy beceriklerni inkişaf ettirgen icatnen oğraşa bileler.

Bundan da ğayrı, merkez tehnikası, mefruşat ve yaratıcılıq malzemelerinen donatıldı. Bu donatmalar ziyaretçilerge inkişaf ve meraqlı dersler içün raat bir müit berecek.

Anda bulunuv, balalarğa keçken qıyınlıqlarnı unutmağa, tolu inkişaf etmege, ruhiy destek almağa ve yañı dostlar tapmağa yardım ete.