Kanadanıñ Monreal şeerinde Ukrainanıñ esirleri ve sürgün etilgenlerniñ qaytarıluvına bağışlanğan nazirlik konferentsiyasında devletlerden biri Jenevre şartnamelerine köre Ukrainağa yardım etmek içün devlet-qoruyıcı olmağa azır olğanını bildirdi.

Tış işleri naziri Andriy Sıbiğa bunı bildirdi.

Onıñ aytqanına köre, halqara aletler şu anda Rusiyede tutulğan biñlernen ukrainlerniñ aqlarını qoruyamaz: arbiy esirler, vatandaş reineleri ve mecburiy sürgün etilgen balalar.

Tecavuzcı halqara uquqqa riayet etmeyip, halqara közeticilerge ve tibbiy hadimlerge kerekli irişimni red ete.

Bütün qıyınlıqlar ve Rusiye Federatsiyasınıñ manialarına baqmadan, prezidentniñ taqımı ukrainlerniñ qaytarıluvı ve duşmannıñ qanlı qollarında bulunğanlarğa nisbeten kerekli munasebetniñ temin etilmesi içün toqtamayıp çalışa.