Cenkten zarar körgen bölgelerde mekteplerniñ tamiri leyhası Ukrainada Almaniya ükümetiniñ maliye desteginen Birleşken Milletlerniñ İnkişaf Programması (BMİP) tarafından başlatıldı. Bu BMİP saytında yazıldı.

Leyha çerçivesinde Kirovoğrad, Lviv, Poltava, Hmelnıtskıy ve Çerkası vilâyetleriniñ oquv yurtlarında ortaqlar, duşman tarafından zarar körgen sınıf ve başqa binalarnı tamir etmege planlaştıralar. Bundan da ğayrı, energiya semereliligi ve abadanlaştıruv meseleleri baqılacaq.

Bundan da ğayrı, teşebbüs, oquv yurtlarına kerekli mefruşat, tahtalar, raleler, oturğıçlar ve kitap dolaplarını bermege niyetlene.

Leyhanıñ neticesinde 6 biñden çoq talebe ve beş yüz oca raat ve telükesiz bir şaraitte derslerge qayta bilecek, dep beklenile.