“ALİMA” teşkilâtı, Halqara tibbiy korpusı, Herson vilâyetindeki UQHTnıñ qol tutuvı ile Çornobayivka cemiyetiniñ mesken yerlerinden birinde ambulatoriya ve acele yardım brigadasınıñ noqtası tamir etildi.

Herson VAMniñ yolbaşçısı Oleksandr Prokudin öz Telegram kanalında bunı bildirdi.

Tibbiy müessise ilk tibbiy yardım köstermek içün kerekli olğan er şeynen donatılğan. Anda aile ekimi ve pediatr çalışa. Yerli sakinlerge halqara teşkilâtlarnıñ sıñırlı mütehassısları kele.

Ambulatoriyada aşılav kabinetleri, fizikiy tedaviylev, manipulatsion ve devamlı tibbiy yardım köstermek içün kerek olğan başqa yerler bar.

Bundan da ğayrı, temel tetqiqatlar keçirmek içün laboratoriya çalışa.

Sabit işlevni temin etmek içün batareyalı küneş panelleri qoyuldı. Bu, elektrik kesilüvleri olsa bile, müessiseniñ çalışmasını temin etecek.