Ukraina uquq qorçalayıcılarınıñ malümatına köre, Rusiye askerleri cenk esnasında eñ az 109 ukrain esirini öldürdiler.

Tsenzor.NET neşirine bergen intervyusında Silâlı zıddiyet şaraitinde yapılğan cinayetlerge qarşılıq kösterüv departamentiniñ başı, Baş prokuror ofisiniñ yolbaşçısı Yuriy Belousov bunı bildirdi.

Onıñ aytqanına köre, keçken sene soñunda ukrain cenk esirleriniñ öldürüv sayısı bayağı arttı. Bundan evel ise, işkence faktları çoq edi.

Yuriy Belousov qayd etti ki, esirlikte bulunğan ukrain askerlerni öldürmesi, şu cümleden idam, işkence ve apishaneniñ deşetli şaraiti, genotsid unsurlarını köstere.

Ukraina istilâcınıñ cinayetleriniñ delillerini er türlü menbalardan toplay. Olar, hususan, bizim askerlerimiz, istihbaratımız ve Rusiye esirleriniñ sorğu malümatlarıdır.

Cinayet yerlerine, cesetlerge ve ekspertizalarğa irişim imkânı olmağanı sebebinden davalarnıñ taqiqatı qıyın olsa da, arbiy cinayetçilerniñ kerçek cezaları bar.

Kelecekte mesuliyetke tek icracılar degil de, bu cinayetlerniñ teşkilâtçıları celp etilecek: teşviq etkenler, emir bergenler ve cinayetlerge qarşılıq köstermegenler.