Oturışnıñ mevzusı, ReNazirligi tarafından azırlanğan 2027 senesine qadar devley içinde alınğan kişilerniñ işke kirüvine dair devlet siyaseti strategiyasınıñ leyhasına tevsiyelerniñ baqılması oldı.

İşbu tevsiyeler mütehassıslar toplulığı tarafından azırlandı, olar tevsiyelerniñ taqdim etilmesinde iştirak etken BMniñ QMDİ, HMT, BMİD, Halqara emek teşkilâtınıñ nazar noqtalarını taqdim ettiler.

Onlayn körüşüv vaqtınca işğal etilgen topraqlarnıñ reintegratsiya meseleleri naziriniñ muavini Roman Usenko, ReNaziriligi ve İqtisadiyat nazirliginiñ mütehassıs departamentleriniñ vekilleri iştirak ettiler.

Hususan, kiçik biznesniñ inkişafına qoltutmaq içün DAKlerge maliyeviy hızmetler ve mahsulatlar azırlamaq edi. Em de, emek bazarınıñ ihtiyaclarına uyğun ihtisasiy azırlanuvnıñ temin etilmesi ve iş yerlerine kiriş sıñırlarınıñ yoq etilmesi, şu cümleden, işke naqliyat hızmetleriniñ teminatı.

Körüşüvde, devlet Strategiyasınıñ leyhası tarafından belgilengen ve devlet içinde alınğan kişilerniñ işnen teminat vaziyetini eyileştirmege ve olarnıñ iş teşebbüslerine qol tutmağa doğrultılğan strategik maqsatlar muzakere etildi. Hususan, halqara mütehassıslarnıñ tevsiyeleri aşağıdaki mevzularnen bağlı edi:

1. DAKlerniñ çalışmaları içün musaviy imkânlarnıñ yaratılması.

2. Köçip kelgen şahıslarnıñ öz başına çalışuv ve iş imkânlarını keñleştirüv.

3. Devlet içinde alınğan kişilerniñ işke alınması içün qoşma şaraitniñ yaratılması.

4. DAKlerniñ işke kirsetüvine doğrultılğan leyhalarnıñ amelge keçirilmesinde ükümetke bağlı olmağan teşkilâtlarnıñ, şu cümleden halqara teşkilâtlarnıñ faaliyetine qol tutuv.

Bundan da ğayrı, DAKniñ İş Strategiyasınıñ ameliy planı muzakere etildi. Onıñ semereliligini arttırmaq içün plan vazifeleriniñ yerine ketirilmesiniñ açıq köstergiçlerini, vaqıt çerçivesini belgilemek ve mesüliyetli idareler arasında vazifelerni aydınlatmağa qarar alındı.

Bundan da ğayrı, maliyeviy destekniñ berilmesini tafsilâtlandırmağa, meraqlanğan taraflarnı celp etmege, nezaretni eyileştirmege ve fevqulâde vaziyetler içün areket planlarını azırlamağa planlaştırıla.

Körüşüv vaqtında qabul etilgen tevsiyeler, DAKlerniñ İş strategiyası leyhasınıñ işlep çıqılmasında, ReNazirligi tarafından köz ögüne alınacaq.