Ukrainalılarnıñ vauçerler vastatasınen alğanları eñ populâr zenaatlar ve ihtisaslar arasında emşirelik, ruhiyatşınaslıq, aşçı, aydayıcı, mektepten evelki tasil.

Bunı Devlet emek hızmeti Telegram kanalında bildirdi.

Eñ çoq vauçer Dnipropetrovsk, Harkiv ve Lviv vilâyetleriniñ sakinleri aldılar.

Qayd etmek kerek ki, vauçer, tasil müessiselerinde ya da iş bericiniñ tasdıqlağan zenaat ve ihtisaslar cedvelinde bedava tasil almaq aqqını bere. Onıñ eñ yüksek miqdarı – 30 biñ grivna.

Böyle bir imkândan aşağıdaki şahıslar faydalana bileler:

• 45 yaşından büyük insanlar (yaş pensiyası alınğanına qadar);

• arbiy areketlerniñ veteranları;

• iş yaşındaki devlet içinde köçip kelgen şahıslar;

• saqat olğan şahıslar;

• arbiy istilâ neticesinde yaralanğan ya da esir alınğan insanlar.

Vauçerlerni alıcılarnıñ çoqusı qadınlar edi – berilgen vauçerlerniñ 74%-i oldılar.

Oquv vauçerini almaq içün:

• ihtisas, zenaat ve oquv yerini saylamaq;

• Devlet emek hızmetiniñ saytında ariza yazmaq ya da ariza ve vesiqalarnen beraber er angi emek merkezine muracaat etmek kerek.

Vauçerlerni Emek merkezinden alğan soñ 90 kün içinde oquv müessisesinen oquv añlaşmasını tizmek kerek.