Baş nazir Denıs Şmığalnıñ aytqanına köre, vesiqa devlet ögünde turğan esas meselelerge cevap bere.

Bazı deñişmelerge baqmadan, esas prioritet deñişmeyip qaldı — mudafaa, mudafaa qabiliyeti ve Ukrainanıñ havfsızlığı. Bu ihtiyaclarğa 2 trillion 225 milliard grivna ayırılmasını teklif eteler.

2025 senesi Vaqtınca işğal etilgen topraqlarnıñ reintegratsiya meseleleri nazirligi içün 1 457,2 million grivna masraf etilecek. Bu, 2024 senesinden 148,7 million grivnağa çoq.

Bu paralarnıñ esas qısmı esirlikte bulunğan şahıslarğa yardım etmek ve DAK içün ipoteka krediti berüvge sarf etilecek.

Bücetniñ prioritetleri arasında içtimaiy saa, tasil, tibbiyet ve veteranlarğa destek de bar.