Novovolınsk şeerinde “Selıdove.UA” DAK yardım merkezi çalışıp başladı. Merkez maqsadı – vilâyetniñ telükeli rayonlarından köçip kelgen Selıdivska cemaatından köçip kelgenlerge ve Donetsk vilâyetiniñ başqa sakinlerine yardım etmektir.

Novovolınsk şeer şurasınıñ Facebook saifesinde bu aqqında haber berildi.

Anda DAKge gumanitar yardım, em de içtimaiy qoruv, pensiya teminatı, memuriy, uquqiy, ruhiy ve başqa meselelernen bağlı mesleatlar berilecek.

Balalar ve büyükler içün medeniy-eglence tedbirleri, treningler, ustalar sınıfları, dersler, meraqlı körüşüvler ve ilâhre keçirilecek.

“Selıdove.UA” DAK Destek Merkezini ziyaret etmek mümkün: Novovolınsk şeeri, Şevçenko bulvarı, 7.

Qayd etmek kerek ki, evel böyle gumanitar merkezler Kıyiv vilâyetindeki Petropavlivska Borşçağivka köyünde ve Dnipropetrovsk vilâyetindeki Kamyanske şeerinde açıldı.