Soñ bilgilerge köre, 2935 namzetniñ anketası Yañıdan quruv yedeginiñ malümat-kommunikatsiya platformasında qayd etilgen. Olardan 2721-i işğalden azat etilecek topaqlarda çalışmaları içün devlet organlarınıñ hadimleri yedeginde endi qayd etildi.

Devlet hızmeti meseleleri milliy agentliginiñ (DHMA) Facebook saifesinde bu aqqında haber berildi.

Namzetlerniñ çoqusı erkeklerdir. Olar 1621 anketa berdiler (56%). Qadınlar ise 1314 anketa yolladılar (44%).

Bölge prioriteti boyunca namzetler Qırım Muhtar Cumhuriyeti ve Aqyarda (75,5%), Donetsk (26,1%), Herson (22,5%), Zaporijjâ (22,3%) ve Mıkolayiv (17,1%) vilâyetlerinde çalışmağa isteyler.

Teklif etilgen iş yönelişlerinden eñ sıq saylanğanlar:

• memuriy reberlik (49,7 %);

• devlet nezareti ve kontrolı (33,5 %);

• memuriyetçilik ve halq hızmetlerini berüv (23,2 %);

• qabarcılıqnıñ ögüni aluv (20,1 %);

• hadimlerni idare etüv (18,6 %).

İşğalden azat etilecek topraqlarnıñ ğayrıdan tiklenilmesinde iştirak etmege isteseñiz ve kerekli tasilge saip olsañız, bağlantığa basıp, sistemada qayd oluñız ve anketa toldurıñız.

Hatırlatamız ki, leyhanıñ idarecileri ReNazirligi ve Devlet hızmeti meseleleri milliy agentligidir (DHMA).