Milliy demokratik institut, Rusiye dezinformatsiyasına qarşılıq köstermek içün media kontentiniñ yaratuvı boyunca yarışnı ilân etti.

Ukraina medeniyet ve strategik kommunikatsiyalar nazirliginiñ Facebook saifesinde bu aqqında haber berildi.

Saylavda Çerniğiv, Sumı, Harkiv, Luğansk, Donetsk, Zaporijjâ, Herson, Mıkolayiv, Odesa, Dnipropetrovsk, Poltava, Kirovoğrad, Çerkası ve Jıtomır vilâyetleriniñ cemaat teşkilâtları ve media iştirak ete bileler.

Ğalipler 2025 senesi qara qış ayından arman ayına qadar Rusiye dezinformatsiyasına qarşılıq köstermek (maqaleler, malümat teşkerüvi, podkastlar, video ikâyeleri ve ilâhre) içün 45 biñ AQŞ dolları miqdarında para alacaqlar. Olar ayrıca mentorlıq destegi ala bileler.

Grant içün arizalarnı 2024 senesi boş aynıñ 17-ne qadar [email protected] elektron adresine yollamaq mümkün.