Dnipropetrovsk vilâyetiniñ Slobojanske qasabasında Kurahiv cemiyetiniñ sakinleri içün yañı destek merkezi çalışıp başladı. Merkez, köçip kelgenlerge yardım etmek içün quruldı ve şimdi gumanitar, içtimaiy ve ruhiy destek bere.

Öz Facebook saifesinde Kurahiv şeer arbiy memuriyetiniñ yolbaşçısı Roman Padun bunı bildirdi.

Merkezde köçip kelgenler gumanitar yardımnı, em de içtimaiy, uquqiy, pensiya ve başqa meseleler boyunca mesleat ala bileler.

Bundan da ğayrı, merkezde memuriy, içtimaiy ve tasil hızmetlerini, emek mesleatınen bağlı mesleatlarnı berecekler.

Anda kütüphane, ustalar sınıfları ve treningler içün yer bar. Balalar ve büyükler içün tasil ve medeniy tedbirler keçirilecek.

Merkez Slobodjanske qasabası, Vırobnıça soqağı, 23 adresi boyunca çalışa. Çalışma saatleri: Bazarertesi – Cuma künü saat 09:00 – 15:00.

Mesleat telefonları: (096) 868-67-06, (066) 305-61-62.