Kıyiv vilâyetinde “Devlet içinde alınğan kişilerniñ mesken şaraitiniñ eyileştirüvi” halqara tehnikiy yardım leyhası çerçivesinde evlerniñ qurucılığı devam ete.

İrpinge iş ziyareti vaqtında Prezident ofisiniñ yolbaşçısınıñ muavini İrına Vereşçuk ve ReNazirliginiñ taqımı bu obyektlerde ğayrıdan tiklev işlerini teşkerdi.

Tedbirde Kıyiv VAM, yerli akimiyet, Almaniya tiklenüv kredit müessisesi (KfW) ve BMniñ Halqara migratsiya teşkilâtınıñ (HMT) vekilleri de iştirak ettiler.

Hususan, qayd etilgen leyhağa binaen, anda eki ev tamir etilecek. Şimdi olarda zarar körgen temel qurulışları ğayrıdan tiklendi ve fasad işleri yekünlendi. Çatı, yerastı ve ilâhrenen bağlı tamir işleri devam ete.

Bundan da ğayrı, leyha çerçivesinde Irpinde bir ev sıfırdan qurulacaq. Qurucılıq idarecisinen añlaşma tizildi ve azırlıq işleri başlandı.

İştirakçiler yerli sakinler ve qurucılıq teşkilâtlarınıñ temsilcilerinen subetleştiler. Körüşüvde esas diqqat qurucılıq cedveline riayet etüv ve iş keyfiyetiniñ temin etilmesine ayırıldı.

Hatırlatamız ki, bu halqara tehnikiy yardım leyhası Almaniya ükümetiniñ maliye desteginen HMT vastasınen ömürge keçirile.