2024 senesi qara qış-berim ayları arasında gumanitar teşkilâtlar Ukraina boyunca 7,2 million insanğa eñ azından bir yardım kösterdi.

Bu malümatnı Birleşken Milletlerniñ Ukrainada gumanitar işler idaresiniñ (OCHA Ukraine) saytında derc ettiler.

Bu devirde 5,8 million insan, esasen cebede yaşağanlar, suv, sanitar ve gigiyena yardımını aldılar.

3 million insanğa aşayt ve ayat saqlav vastaları berildi, daa 2 millionğa tibbiy yardım kösterildi.

Tahminen 1,3 million insanğa ev tamiri içün kerekli malzemeler berildi.

1,2 million insanğa qoruv aqqında malümat berüv ve ögrenüv hızmetleri teşkil etildi, 600 biñ bala ve ocağa oquv esnasını devam ettirmek içün destek berildi.

Çoq maqsatlı para yardımı tahminen 700 biñ ukrainalını qaplap aldı.

Bundan da ğayrı, vaqtınca mesken yerlerde yaşağan aman-aman 100 biñ köçkünge de yardım etildi.

Qayd etmek kerek ki, ukrainlerge kösterilgen yardımnı 2024 senesine qadar Gumanitar Cevap Planı boyunca 600-den çoq teşkilât kösterdi.