Onı Veresı köyünde, İtaliya Qızıl Haçınıñ maliye desteginen qurdılar. Jıtomır VAM bunı bildirdi.

Anda bölgege mecburen köçip kelgen 55 qorantağa ev anahtarları berildi.

Bular Donetsk, Luğansk, Harkiv, Herson, Mıkolayiv, Jıtomır, Zaporijjâ ve Qırımdan kelgen qorantalar. Olarnıñ arasında arbiy hızmetçilerniñ qorantaları, çoq balalı ve saqat olğan qorantalar, evleri duşman tarafından viran etilgen qorantalar bar.

Umumen, şeerçikte 56 ev quruldı. Olar 155 insannı sığdıra bile.

Er bir evniñ eki yataq odası, aşhane-studiyası ve vanna odası bar. Evler qızdıruv, avdetiyleştirüv, duş kabinasınen donatılğan. Bundan ğayrı, anda sığınacaq bar.

Ukrainanıñ ğayrıdan tiklev meseleleri baş naziriniñ muavini — Cemiyetler ve topraqlar inkişafı naziri Oleksiy Kulebanıñ aytqanına köre, şimdi Jıtomır vilâyetinde AB desteginen DAK içün mesken kompleksiniñ qurucılığı devam ete. 2025 senesiniñ bozarğan ayğa qadar 116 dairelik dört çoq qatlı evniñ qurulması planlaştırıla.