Tedbirde akimiyet, cemaat teşkilâtlarınıñ vekilleri ve Rusiye esirliginde bulunğan vatandaşlarnıñ qorantaları iştirak ettiker. Körüşüv Prezident ofisiniñ reisiniñ muavini İrına Vereşçuknıñ yolbaşçılığında olıp keçti.

Rusiye Federatsiyasında tutulğan şahıslarnıñ soy-soplarınıñ suallerine Cenk esirlerinen munasebet meseleleri idare ştabı, UHHniñ yanında Arbiy esirlerni qıdıruv ve azat etüv Birleşken Merkezi, Ukraina ükümetiniñ İnsan aqları vekâletlisiniñ Kâtibiyeti, Mudafaa nazirligi, Baş ştab, Sağlıq nazirligi, Maliye nazirligi, İçtimaiy siyaset nazirligi, Milliy malümat bürosı, ReNazirliginiñ ve digerlerniñ vekilleri, halq mebusı Olga Vasılyevska-Smağlük cevap berdi.

Körüşüvde aşağıdaki meseleler muzakere etildi:

• akimiyetniñ prioritet vazifesini RFnıñ esirliginde bulunğan vatandaşlarnı qaytarmaq olaraq belgilemektir;

• vatandaşlarnı qıdıruv ve azat etüv işiniñ muvaqqat neticeleri;

• RFnıñ esirliginde tutulğan qadınlarnıñ soñki ve tolu cedvelini teşkil etmeknen beraber, vatandaşlarnı azat etüv mehanizmleri;

• Rusiye esirliginden vatandaşlarnıñ qaytarıluvına halqara ortaqlarnıñ celp etilmesi;

• Rusiye esirliginden azat etilgen ukrain vatandaşlarınıñ seferberligine dair qanun deñişmelerini kirsetmek ve ilâhre.

Körüşüvde bulunğan cemaat teşkilâtları, tecavuzcı devletniñ esirliginde bulunğan vatandaşlarnı Ukrainağa qaytaruv taktikası işlep çıqarılmasında olarnıñ vekilleriniñ iştirak etmesini istegenlerini bildirdiler.