Eki künlik tedbir “ReBuild Ukraine — Construction and Energy” (“Ukrainanı ğayrıdan qurmaq — Qurucılıq ve Energetika”) adınen keçirile. O, 30 devletten 5500 iştirakçini ve 18 memleketten 500 halqara şirketni birleştirdi. Olarnıñ arasında ukrain biznesiniñ 63 temsilcisi bar.

Ükümet portalında bu aqqında haber etildi.

Konferentsiyanıñ esas maqsadı — Ukrainanıñ astyapı, energetika ve mesken saalarında ğayrıdan tiklev leyhalarını amelge keçirmek içün ükümetler, halqara maliye teşkilâtları ve biznesniñ ğayretlerini birleştirmektir.

Tedbir çerçivesinde Ukraina Cemiyet ve Topraqlarnıñ İnkişafı Nazirliginiñ temsilcileri Büyük Britaniya ve Kanada ükümetleriniñ temsilcileri ve AQŞnıñ Ukraina iqtisadiy ğayrıdan tiklev meseleleri Mahsus temsilcisinen körüştiler.

Bundan da ğayrı, olar İsviçre delegatsiyasınen körüşip, içtimaiy astyapı obyektleriniñ ğayrıdan tiklenüvi ve mekteplerde sığınaqlarnıñ qurulması leyhalarını muzakere ettiler.

Körüşüvlerde ukrain memurları, global aşayt telükesizligini temin etmek içün deñiz koridorınıñ stabil işlevini devam ettirüvniñ müimligini qayd ettiler.