“Öz işini özü yap” programmasınıñ 21-nci dalğası neticesinde 443 ğalip belgilendi, olar 107 million grivna miqdarında grant alacaqlar. Olardan 25 yaşına qadar 10 ukrainalı gençler kategoriyasında grant programmasınıñ birinci ğalipleri oldı. Ükümet portalında bu aqqında haber etildi.

Hususan, genç iş adamları urba ve aksessuarlar, tatlılıq, mefruşat ve ev mahsulatı satışı, ayrıca manikür salonı ve fitnes merkezini açmağa planlaştıralar.

21 dalğanıñ neticelerinde ğaliplerniñ 58%-i qadın, 34%-i erkek ve 8%-i uquqiy şahıslar. Olarnıñ 75%-dan çoqusı aliy tasil alğanlardır.

Grant alğanlarnıñ çoqusı Lviv, Harkiv, Kıyiv, Vinnıtsâ vilâyetlerinden ve Kıyiv şeerinden keldi.

Mikro grantlarnıñ çoqusınıñ saibi, paralarnı biznes içün kerek olğan donatmalarnı satın almağa masraf etmege planlaştıra.

Bu dalğanıñ ğalipleri çalışqan eñ populâr saalar, top-top ve tükâncılıq, naqliyat vastalarınıñ tamiri, vaqtınca yerleşüv ve aşayt teşkilâtı ve işlep çıqaruv sanayısıdır.

“Öz işi” grant programmasınıñ eki yıldan ço devam etken faaliyeti devamında tahminen 21 biñ ukrainalı onıñ ğalibi oldı. Devlet olarnıñ biznesine 5 milliard grivna yatırım yapa.

Programma aqqında tafsilâtlı malümatnı bağlantı vastasınen tapmaq mümkün.