Onıñ adı “Ğayrıdan tiklevde Birlik”: Ukraina şarqında cenkten zarar körgen qorantalar içün mesken ve astyapı ğayrıdan tiklenüvi” leyhasını “Katolik yardım hızmeti” halqara gumanitar teşkilâtınen işbirlikte Ukraina Karitası ömürge keçire.

Karitas Ukrainanıñ Facebook saifesinde bu aqqında haber berildi.

Leyhanıñ maqsadı — cenkten zarar körgen evlerniñ ve belli içtimaiy astyapı obyektleriniñ tamir etilmesine yardım etmektir. Umumen, 250-den çoq qoranta içün ev tamir etilmesi planlaştırıla.

Şimdilik programmağa Sumınıñ sakinleri qoşula bileler. Tezden o, Şostka, Trostânets, Ohtırsk ve vilâyetniñ sıñırdan 20 kilometr uzaqlığında yerleşken başqa cemiyetlerine tarqalacaq.

Leyha ve yardım aqqında tafsilâtlı malümatnı Karitas Ukrainanıñ sıcaq hattınıñ nomerası boyunca ögrenmek mümkün: 0 800 336 734. Telefonlar iş künleri saat 9.30-dan saat 4-ke qadar qabul etile.