Donetsk, Zaporijjâ ve Herson vilâyetleriniñ vaqtınca işğal etilgen topraqlarından 15 bala Ukraina ükümetiniñ nezaretindeki topraqlarğa qaytarıldı.

Qaytaruv Ukraina prezidenti Volodımır Zelenskıynıñ “Bring Kids Back UA” teşebbüsi çerçivesinde ve “Save Ukraine” hayriye teşkilâtınıñ ğayretleri sayesinde yapıldı.

Bring Kids Back UAnıñ Facebook saifesinde bu aqqında haber etildi.

Şimdi bu balalar qorantalarınen beraber telükesizlikte bulunalar, olarğa kerekli reabilitatsiya ve ruhiy destek berile.

Hatırlatamız ki, eger siz balalarnıñ VİETğa ya da rusiyege qanunsız sürgün etilüvini körseñiz, ReNazirliginiñ mütehassısı olğan Natalya Yemetske (050) 562-03-13 telefon etip bildiriñiz.

Bundan da ğayrı, ReNazirliginiñ 1548 ya da Milliy malümat bürosınıñ 1648 sıcaq hatlarına muracaat etmek mümkün.

Bundan da ğayrı, aşağıdaki sıcaq hatlarğa muracaat ete bilesiñiz:

• ReNazirligi — 1548;

• Milliy malümat bürosı — 1648.