Teşebbüsniñ maqsadı – bazar ihtiyaclarına köre mütehassıslarnıñ ihtisasını yükseltmek ve yañıdan azırlamaq. Ükümet portalında bu aqqında haber etildi.

Leyha, gençlerge, veteranlarğa, saqatlarğa ve devlet içinde köçip kelgenlerge, iqtisadiyatnıñ eñ dinamik saalarında istenilgen zenaatlarda kerekli beceriklerni berip, iş bazarında potentsialını yerine ketirmelerine yardım etmege niyetlene.

Bundan da ğayrı, teşebbüs qadınlarğa statistik olaraq erkekler çoq olğan zenaatlarda ihtisaslar almasında yardım ete, şahsiy saa ve ocalıq-tehnikiy tasil müessiseleri arasında işbirlikni pekite. Em de biznesni yañı iş yerlerini yaratmağa ve iqtisadiyatnıñ ileri saası içün mütehassıslarnı azırlamağa teşviq ete.

Leyha Ukrainanıñ ğayrıdan tiklenüvi içün müim olğan qurucılıq ve logistika saalarında mütehassıslarnıñ ihtisas yükseltüvi ve yañıdan azırlanuvına bağışlana.

Programma, er biri 230 biñ dollarlıq bücetnen 8 qısımdan ibaret ve 2024 senesi boş aydan 2025 senesi bozarğan aynıñ 30 kününe qadar devam etecek.

1. Ukrain biznesiniñ ve emek bazarınıñ inkişafı içün HR-toplulığınıñ qurulması.

2. İhtisas yükseltüvi ve işke kirsetüvnen bağlı mütehassıslarnıñ azırlanuvı.

3. Şirketlerniñ içtimaiy mesüliyetligini inkişaf ettirüv yolunen şahsiy saanı ihtisas yükseltüvine celp etüv.

4. İçtimaiy şirketler ve cemiyetten mesüliyetli biznes vastasınen arbiy veteranlar, DAK, saqatlar, qadınlar ve gençler içün iş imkânlarını keñleştirmek.

5. Qurucılıq ve logistika şirketlerine qadınlar, gençler, saqatlar, veteranlar ve devlet içinde köçip kelgenlerni işke almağa yardım etüv.

6. Veteranlar, köçip kelgenler, saqatlar, qadınlar ve gençlerni iş bazarına qoşmaq ve reintegratsiya etüv.

7. İhtisas ve tehnik müessiseler ve şahsiy sektor arasında işbirlik, ihtisaslarını yükseltmek ve yañıdan azırlamaq içün.

8. Student ve genç mütehassıslarnı işke kirsetmek içün sanayı ortaqlığı teşebbüsi.

Şirket ve teşkilâtlar teşebbüsniñ bir ya da bir qaç qısmında iştirak etmek içün ariza bere bileler.

Arizalarnıñ soñki berüv künü — 2024 senesi boş aynıñ 29-ı, saat 18:00. Teşebbüsnen bağlı qoşma malümatnı baqıp, iştirak etmek içün muracaat etmek içün bağlantnı qullanmaq mümkün.