İrına Vereşçuknıñ yolbaşçılığında gumanitar yardımnıñ qullanıluvına dair qanun deñişmelerine dair nazirliklerara oturış olıp keçti.

Tedbirde halq mebusları Serğiy İonuşas, Maksım Pavlük ve Oleksiy Krasov iştirak ettiler. Bundan da ğayrı, İnkişaf nazirligi, ReNazirligi, İçtimaiy siyaset nazirligi, Baş prokuror ofisi, Milliy polis, Harkiv ve Herson topraq cemiyetleriniñ temsilcileri ve Ukrainanıñ şeerleri birleşmesiniñ icracı müdiri Oleksandr Slobodjan da bar edi.

Oturışnıñ mevzusı, devlet ve kommunal subyektlerniñ halqara ortaqlardan gumanitar yardım olaraq alınğan tehnika ve donatmalarnı qullanuvınen bağlı uquqiy meseleler edi.

Meselesi şunda ki, qanunnıñ bazı maddeleri, hususan Cinayet Qanunnamesiniñ maddeleri, gumanitar yardımnıñ nasıl qullanılacağına sıñırlamalar qoydı. Bu, elde etilgen tehnika ve donarlarnıñ cemiyetlerniñ menfaatları içün qullanılması ceetinden bir qaç meseleni yarata edi. Bunı eñ keskin şekilde Harkiv, Herson vilâyetleri ve başqa vilâyetlerniñ cebe civarındaki cemiyetleri is eteler.

İştirakçilerniñ diqqatını, şimdiki qanunlar, meselâ, kommunal müessiselerge ealige hızmet etmek içün gumanitar tehnikasını qullanmağa yasaq etkenine celp ettiler. Demek ki, cemiyetler, kerekli yardımnı tam olaraq qullanıp olamaylar.

Hususan, Ceza qanunnamesiniñ 201² maddesine kirsetilecek deñişmeler muzakere etildi, olar kommunal müessiselerge ealige ücretli hızmetler köstermek içün gumanitar tehnikasını qullanmağa imkân berecek.

Bundan da ğayrı, oturışta İnkişaf nazirliginiñ temsilcileri, gumanitar yardım olaraq alınğan maşinalarnı cemiyetlerniñ menfaatları içün qullanmağa imkân bermek maqsadınen nazirlik tarafından azırlanğan qanun leyhası aqqında bildirdiler.

“Netice olaraq, donorlardan alınğan tehnika cemiyetler içün, insanlar içün çalışmaq kerek. Bu qanunlarnı deñiştirmek kerek olsa, deñiştirmek kerek. Ve bir şey beklep turmaq kerekmey”, — dep qayd etti İrına Vereşçuk.