Devlet içinde alınğan kişiler içün nasıl kredit almaq mümkün (KfW)?

Ukraina Nazirler Kabinetiniñ 2021 s. çiçek ayınıñ 28-indeki № 451 qararınen tasdıqlanğan Yañıdan qurmaq içün kredit müessisesiniñ (KfW) bergeni grant parası vastasınen devlet içinde alınğan kişilerge imtiyazlı ipoteka kreditini berüv yol-yoruğı. 

 

Kredit almaq içün Yaşlar içün mesken binalarını qurmağa yardım ekten devlet fondunıñ bölge idaresine şahsen ya da Ukraina raqamiy transformatsiya nazirliginiñ “Diia” devlet müessisesiniñ idare etkeni Elektron hızmetler tek devlet veb portalı vastasınen elektron şekilde hitap etmek kerek.

 

Bağlantığa basıp, kerekli vesiqalar ve şartlarnı ögrene bilirsiñiz.

KFW+HMT

KfW İnkişaf bankı vastasınen Almanya Ükümetiniñ parasınen Ukrainada Halqara migratsiya teşkilâtınıñ (HMT) vekâletligi, 2025 senesine qadar 1500 devlet içinde alınğan kişini mesknnen temin etmege planlaştırğan “Ukrainanıñ Şarqında devlet içinde alınğna kişilerniñ yaşayış şartlarını yahşılaştıruv” leyhasını yerine ketirir.

 

Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Kramatorsk ş. şeer şurası ve Severodonetsk ş. şeer şurası ukrain tarafındaki leyhanıñ yerine ketiricileridir. 2020 senesi berim ayınıñ başlanğıcında HMT olarnen İşdeşlik memorandumını imzaladı.

 

Qayd etmek kerek ki, “Ukrainanıñ Şarqında devlet içinde alınğna kişilerniñ yaşayış şartlarını yahşılaştıruv” leyhası, Kramatorsk ve Severodonetsk şeerlerinde ekinci çarşında 60 daire almaq ve 500 daire qurmaq içün 22,1 mln yevrolıq maliyeviy yardımını çekmege esapqa alınır. Bu tür mesken DAKge kiçik kiralıq parasınen ve kelecekte alma aqqınen bermege planlaştırılır.

 

Qırımtatar halqınıñ vekilleri ve Ukraina vatandaşlarınıñ imtiyazlı kategoriyaları içün mesken

 

2021 s. çiçek ayınıñ 10-unda İstanbul şeerinde Ukraina Ükümeti ve Türkiye Cumhuriyetiniñ Ükümeti arasında İşdeşlik aqqında çerçive añlaşması (qısqa. – Çerçive añlaşması) imzalandı. O, 2021 s. oraq ayınıñ 14-ündeki № 1644-ІХ Ukraina qanunınen ratifikatsiya etildi.

 

Mezkür añlaşmanıñ 3. maddesine mücibi, ReNazirligi orta areketlerini idare eter ve leyhanı yerine ketirüvge dair mesleat berir.

 

Qayd etmek kerek ki, Çerçive añlaşmasınıñ 2. maddesine mücibi Türkiye tarafı, qırımtatar halqınıñ vekilleri ve Ukraina vatandaşlarınıñ imtiyazlı kategoriyaları içün umumen 500 daire quraraq, yardım eter. Mıkolayiv vilâyetiniñ Mıkolayiv şeerinde – 200 daire, Herson vilâyetiniñ Herson şeerinde – 200 daire, Kıyiv şeerinde – 100 daire.