burger

Avropa ve avropa atlantik integratsiyası

Milliy tış siyasetiniñ deñişmegen prioriteti – Ukraina Esas Qanunınıñ Preambulasında qayd etilgen avropa ve avropa atlantik integratsiyasına yöneliştir.

Bu yönelişni qaçınmağan tarzda riatey etüv, Ukraina ve Avropa Birligi, Atom energiya avropa birleşmesi ve azaları olğan devletler arasında añlaşmağa ve Ukraina-AB kün mevzusına, Ukraina ve Şimaliy-Atlantik añlaşma Teşkilâtı (NATO) arasında mahsus ortaqlaıq aqqında hartiyağa mücibi Ukrainanıñ mecburiyetlerinen tasdıqlanır.

“Ukrainanıñ milliy telükesizligi aqqında” Ukraina qanunınıñ 1. maddesinde keskin tarzda tesbit etildi ki, AB ve NATOnıñ azası olmaq – Ukrainanıñ milliy temel menfaatı ola ve Ukrainanıñ milliy telükesizligi strategiyasınen tasdıqlanır.

Ukrainanıñ vaqtınca işğal etilgen topraqlarınıñ reintegratsiya meseleleri nazirligi aqqında buyruqqa mücibi Nazirlik, öz salâhiyeti çerçivesinde Ukrainanıñ halqara añlaşmalardaki mecburiyetlerini, şu cümelden Assotsiatsiya aqqında añlaşmanıñ maddeleriniñ tesbit etkeni mecburiyetlerini yapmağa temin eter.

Şu cümleden, Ukrainanıñ vaqtınca işğal etilgen topraqları meselelerinde siyasetni vastasız şeklillendirgen ve yerine ketirgen icra akimiyetiniñ merkeziy organı olaraq ReNazirligi, Assotsiatsiya aqqında añlaşmanıñ “Adliye, serbestlik ve telükesizlik” III. qısmınıñ tesbit etkeni mecburiyetlerni yerine ketirmege qatıldı.